Consulta os nosos fondos

Benvidos

Benvidos ao blogue da biblioteca do CEIP LUIS PIMENTEl.

A web do cole

 

DÍA UNIVERSAL DO NENO

xoves, 16 de novembro de 2017


Nacións Unidas celebra o Día Universal do Neno o 20 de novembro, data na que a Asemblea Xeral da ONU aprobou a Declaración dos Dereitos do Neno en 1959 . Esta declaración, que non tiña legalmente carácter vinculante, non era suficiente para protexer os dereitos da infancia. Tras dez anos de negociacións con gobernos de todo o mundo, líderes relixiosos, ONG, e outras institucións, logrouse acordar o texto final da Convención sobre os Dereitos do Neno, o 20 de novembro de 1989, cuxo cumprimento é obrigatorio para todos os países que a asinaron.

O obxectivo do Día Universal do Neno é lembrar á cidadanía que os nenos son o colectivo máis vulnerable e por tanto que máis sofre as crises e os problemas do mundo. 

Este día mundial lembra que todos os nenos teñen dereito á saúde, a educación e a protección, independentemente do lugar do mundo no que nacese.



Os Dereitos do Neno veñen enumerados na seguinte Declaración:

  •  Dereito á igualdade.
  •  Dereito á Protección.
  •  Dereito á Identidade e á Nacionalidade.
  •  Dereito a ter unha casa, alimentos e atención.
  •  Dereito á educación e á atención ao diminuído.
  •  Dereito ao amor dos pais e a sociedade.
  •  Dereito á educación gratuíta e a xogar.
  •  Dereito a ser o primeiro en recibir axuda.
  •  Dereito a ser protexido contra o abandono e a explotación.
  •  Dereito a crecer en solidariedade, comprensión e xustiza entre os pobos.


DÍA INTERNACIONAL DA TOLERANCIA,16 DE NOVEMBRO

mércores, 15 de novembro de 2017


Ola!!!
Mañá celébrase o Día Internacional da Tolerancia,un motivo máis para ser respectuosos cos nosos compañeiros e compañeiras, familiares, amigos e amigas...; para valoralos e valoralas; para respectar as ideas alleas...



"A tolerancia consiste no respecto, a aceptación e o aprecio da rica diversidade das culturas do noso mundo, das nosas formas de expresión e maneiras de ser humanos".
Mensaxe da Sra. Audrey Azoulay, Directora Xeral da UNESCO

Esta afirmación procede da Declaración de Principios sobre a Tolerancia aprobada pola UNESCO en 1995.  

 O 16 de novembro a comunidade internacional celebra o Día Internacional da Tolerancia con actividades dirixidas tanto a institucións educativas como ao público en xeral.
  











CASTIÑEIRO, CASTAÑA, MAGOSTO...OUTONO

luns, 6 de novembro de 2017



Sabiades que o vindeiro venres celebrarase o magosto no patio do recreo...


Vide pola biblioteca  para divertirvos lendo contos ao redor da castaña, dos soutos, as fragas...




SAMAIN

luns, 30 de outubro de 2017

Ola !!

As historias de medo, un ano máis , agárdanvos na biblioteca.


Pica na imaxe e entrarás no Samaín


CURSO 2017/2018

Ola!!

Que ben! Por fin comeza un novo curso, os meus amigos volven a biblioteca. Espero que gocen lendo historias que lles abren as portas ao mundo da fantasia.

RAP 5 ANOS

luns, 26 de xuño de 2017


Os nenos e nenas de 5 anos C andiveron  este curso viaxando polo espazo,  coñecendo os planetas, asteroides e cometas... e como gran final para a  súa aventura deixannos este rap galáctico adaptando a canción "En galego" de Migallas.

RECÍCLATE CON SOGAMA.

xoves, 25 de maio de 2017

Actividades realizadas polos nenos e nenas de 3º de primaria enmarcadas dentro do PLAN PROXECTA  da Consellería.
 Recíclate con Sogama

 Reutilizar, Reciclar e Reducir

 Qué vos parece, se facemos unha cidade "Reutilizando" tetrabricks?
Así de bonita quedou  a nosa cidade.


 Animádevos a Reutilizar tetrabricks , botellas,...!!!

Sabedes o que é un cargador de pilas?
Iván ten un que nos trouxo ó cole para ensinar.....


O longo do curso todos aprendemos que podemos recargar as pilas da radio ou da tablet, sen necesidade de tirar unhas e mercar outras, con todo o que  contaminaannnn!!!!!!!!!!!

VISITAMOS SOGAMA
Así estabamos de contentos antes de disfrazarnos coa equipación de seguridade. Esta visita foi en Febreiro, a Cerceda, ás instalacións de Sogama.




Menuda aventura ir no autobús de Sogama!!! Os alumnos e alumnas de terceiro tivemos que vestirnos así como vedes. Foiche moi divertido visitar as instalacións en Cerceda, había que pechar un pouco o nariz, pero descubrimos que moito lixo se volta reutilizar.






Este blogue ten caracter educativo sen ánimo de lucro. As imaxes, vídeos,música etc so serán usados con ese fin. Se en algún momento vulneramos a propiedade intelectual facedenolo saber e retiraremos a entrada. Grazas.